MHE.NDOMBA AZINDUA GARI MPYA AINA YA LANDCRUISER ILIYONUNULIWA KWA MAPATO YA NDANI
Na Byarugaba Innocent, Kibaha
Mwenyekiti wa Halmashauri ya Mji Kibaha Mhe.Mussa Abdallah Ndomba amekata utepe kuzindua gari Mpya yenye namba za usajili SM 15957 aina ya Landcruiser hardtop 1HZ iliyonunuliwa kwa gharama ya Shilingi 168,678,800.00 za Mapato ya ndani.
Gari hiyo ambayo itatumiwa na Idara ya Biashara,Viwanda na uwekezaji inakwenda kuongeza kasi kwa Wataalam kuwafikia wafanyabiashara,Wamiliki wa Viwanda na wawekezaji kutoa ushauri wa kitaalam ili kuboresha kazi zao zilete tija kwa Taifa
Mhe.Ndomba ametoa rai kwa Madereva kuwa waaminifu kwa kuyatunza magari hayo ili yatumike kwa muda mrefu katika kazi za Halmashauri
Aidha,Mhe.Ndomba amempongeza sana Mkurugenzi wa Halmashauri ya Mji Kibaha Dkt.Rogers Jacob Shemwelekwa na watumishi kwa kazi nzuri wanayoifanya ya kutekeleza Miradi ambayo Baraza la Madiwani wamekiwa wakipitisha.
Awali Mkurugenzi wa Halmashauri ya Mji Kibaha Dkt.Rogers Jacob Shemwelekwa akimkaribisha Mhe.Ndomba kuzindua gari hiyo rasmi alisema kuwa kwa Bajeti ya Mwaka 2024/2025 Baraza la Madiwani lilielekeza kuongeza vitendea kazi ambapo mpaka Sasa tayari kompyuta Mpakato 20 za Kisasa zenye thamani ya Shilingi 55,890,000 zimenunuliwa ili kuongeza kasi ya utoaji huduma kwa wananchi.
Aidha,Dkt.Shemwelekwa ametoa rai kwa Wananchi kulipa Kodi kwa wakati kwani fedha hizo ndizo zinazotumika kuongeza vitendea kazi kuchagiza kasi ya kuwahudumia wananchi kwa wakati
Dkt.Shemwelekwa amemshuru Mwenyekiti wa Halmashauri na Baraza lake kwa ushirikiano mkubwa wanaoendelea kumpa katika kuijenga Kibaha na kwamba ushirikiano huo unaongeza kasi na ari ya kufanyakazi.
