Posted on: June 14th, 2025
Katika kuadhimisha Siku ya Mtoto wa Afrika, Halmashauri ya Mji Kibaha imefanya kitendo cha kipekee kwa kutoa msaada wa vifaa vyenye thamani ya Tsh 2,720,000 kwa watoto wenye ulemavu katika Shule ya Msingi Kongowe. Msaada huo umetolewa na wamiliki wa day care kwa ushirikiano na kitengo cha ustawi wa jamii Halmashauri ya Mji Kibaha.
Msaada huu unalenga kuboresha mazingira ya kujifunzia na kusaidia watoto hawa kupata elimu bora bila vikwazo. Vifaa vilivyotolewa vinajumuisha vifaa vya kufundishia na kujifunzia, ambavyo vitasaidia sana katika kuimarisha ubora wa elimu inayotolewa kwa wanafunzi wenye mahitaji maalum.
Hatua hii ni ya kupongezwa kwani inaonyesha kujali na kuunga mkono juhudi za kuhakikisha usawa katika upatikanaji wa elimu kwa watoto wote, bila kujali changamoto wanazokabiliana nazo. Siku ya Mtoto wa Afrika ni muhimu katika kutafakari maendeleo na changamoto zinazowakabili watoto barani Afrika, na msaada kama huu unatoa matumaini kwa jamii na inasaidia kujenga mustakabali bora kwa watoto wote.
